‘NA SERA E MARE Comme ‘na nònna nònna ca saglie e ca scenne, chest’onna abbuffàta, se scontra ‘nfaccia a sti scoglie, d’argiento vestute, lassanne n’addore e aria marina, mentre sta luna s’appiccia antrasatta, facenno do’ mare ‘na terra ‘ncantata… Sera ca scinne n’coppa a chest’acqua, dinto a stu cielo ‘o sole scumpare, mentre già iesceno e primme lampare… Mare ca nfunne sta spònna, sotto a ‘sta rena tiene annascùso, tanti passione appicciate e stutate e sti nammurate ca vanno e ca veneno, mentre l’ammore, ccà nàsce e ccà mòre… Di Sirena Megaride(Antonella cacace) @tutti i diritti riservati